meetwork
الرئيسيةالإطلاقاتالبحثالرسائلقريبًاالوظائفالمدونة

اعرض اللي تبنيه، وتابع ناس يصنعون أشياء تستاهل.

ادخل أو سجّل

اسأل الذكاء الاصطناعي عن Meetwork

المساعدةالدعمالشروطالخصوصيةدليل النماذج اللغوية
© 2026 Meetwork
  1. المدونة
  2. دليل الاستخدام

كيف تطلق مشروعك وتتصدر إطلاقات الأسبوع

كيف تطلق مشروعك وتتصدر إطلاقات الأسبوع

فريق Meetwork·16 نوفمبر 2026·دقيقتين قراءة

بنيت شي وتبي الناس يجربونه؟ إطلاقات الأسبوع مكانه. تعرض مشروعك للمجتمع، يجربونه ويصوّتون له ويقيّمونه ويعطونك رايهم، وكل أسبوع له ترتيبه الخاص.

وش تحتاج قبل ما تطلق؟

  • بروفايلك منشور (الخطوات هنا)
  • صورة في بروفايلك، عشان الناس يعرفون مين الصانع
  • تكون من صنّاع المشروع فعلًا
  • إطلاق واحد بالأسبوع لكل شخص

جهّز مشروعك

من صفحة الإطلاقات اضغط "أطلق مشروعك"، وعبّي:

  • الاسم: لين 45 حرف
  • الوصف القصير: سطر واحد لين 60 حرف، يقول وش يسوي المشروع
  • الرابط: وين يجربه الناس
  • الشرح: لين 2000 حرف. وش المشكلة، وكيف تحلها، ولمين
  • الصور: من صورة لين 4 صور
  • المجالات: من مجال لين 3
  • التقنيات: لين 10 (اختياري)

وتقدر تدعو شركاءك في المشروع: لين 5 صنّاع مع بعض. الدعوة توصلهم، ويصيرون من صنّاع المشروع لما يقبلونها.

اختر أسبوعك

الأسبوع يبدأ منتصف ليل الأحد (UTC+3) ويخلص آخر السبت.

  • هالأسبوع: مشروعك يطلع على طول
  • أسبوع جاي (لين 3 أسابيع قدام): يبقى محجوز ويشوفه صنّاعه بس، وينطلق لحاله أول ما يبدأ أسبوعه

لما ينطلق، ينزل منشور إعلان في الفيد ببطاقة المشروع، والنقاش حول المشروع يصير في تعليقاته. ومتابعينك اللي مفعّلين إشعارات الإطلاقات يوصلهم إشعار.

كيف ينحسب الترتيب؟

أول يومين: فرصة للكل

أول يومين من الأسبوع، الترتيب عشوائي (يتغير كل يوم) والأرقام مخفية. الهدف إن كل مشروع ياخذ فرصته يتشاف، مو بس اللي انطلق أول.

بعدها: النقاط

الترتيب مو عدد التصويتات بس:

  • التصويت هو الأساس
  • تصويت الحسابات الموثّقة له وزن أكبر (كيف توثّق حسابك)
  • الحسابات الجديدة جدًا وزنها أقل، عشان أحد ما يسوي حسابات ويصوّت لنفسه
  • التعليقات الحقيقية والتفاعل مع المشروع تساعد: تعليق فيه رأي فعلي يفرق، مو "مبروك" بس
  • الصانع ما يصوّت لمشروعه
  • ولا ينحسب إلا اللي صار قبل نهاية الأسبوع
التلاعب بالتصويت أو التقييمات (حسابات وهمية، تبادل أصوات، أو شراء أصوات) يشيل الإطلاق من الترتيب، وممكن يوقّف الحساب.

نهاية الأسبوع

لما يخلص الأسبوع، الترتيب ينقفل. وأول 3 مشاريع ياخذون كأس، ويوصل إشعار لكل صنّاعها.

التقييمات

غير التصويت، الناس يقيّمون مشروعك في ثلاث أشياء: الفكرة، والتنفيذ، والتصميم. والمتوسط يطلع بعد 3 تقييمات على الأقل، عشان تقييم واحد ما يمثّل المشروع.

وش اللي يفرق فعلًا؟

  • وصف قصير واضح: الناس يقررون من السطر الأول
  • صور تبيّن المشروع وهو شغال، مو شعار بس
  • أطلق بداية الأسبوع، عشان مشروعك ياخذ الأسبوع كامل
  • رد على التعليقات: النقاش الحقيقي يجيب اهتمام، ويعطيك ملاحظات تطوّر فيها مشروعك
  • شارك رابط مشروعك مع ناسك ومتابعينك

الأهم من الترتيب: الملاحظات اللي تجيك من ناس جربوا شغلك فعلًا.

وش تشتغل عليه هالأيام؟

تبني مشروع، تكتب، تصمم، توظّف، أو تدوّر شغل؟ شاركه في Meetwork، وتلقى تفاعل وتعارف وفرص من المجتمع.

meetwork.app/

من نفس القسم

  • كيف تكمّل بروفايلك وتنشره16 نوفمبر 2026
  • كيف توثّق حسابك وتطلع العلامة جنب اسمك16 نوفمبر 2026
  • وش تقدر تنشر في الفيد16 نوفمبر 2026

في هالمقالة

  • وش تحتاج قبل ما تطلق؟
  • جهّز مشروعك
  • اختر أسبوعك
  • كيف ينحسب الترتيب؟
  • أول يومين: فرصة للكل
  • بعدها: النقاط
  • نهاية الأسبوع
  • التقييمات
  • وش اللي يفرق فعلًا؟

من نفس القسم

  • كيف تكمّل بروفايلك وتنشره16 نوفمبر 2026
  • كيف توثّق حسابك وتطلع العلامة جنب اسمك16 نوفمبر 2026
  • وش تقدر تنشر في الفيد16 نوفمبر 2026

وش تشتغل عليه هالأيام؟

تبني مشروع، تكتب، تصمم، توظّف، أو تدوّر شغل؟ شاركه في Meetwork، وتلقى تفاعل وتعارف وفرص من المجتمع.

meetwork.app/